Hierdie sentrum bestaan reeds sedert 1982. Hier is ses onderwysers wat onderrig gee in klavier, teorie, blokfluit, klawerbord, viool, kitaar en Eisteddfod sang. Nadat die Onderwysdepartement in 1965 alle musieksentrums landswyd gesluit het, het ons musieksentrum geprivatiseer en gaan volstoom voort.

​Ons stuur gereeld leerders vir praktiese en teoretiese eksamens na die volgende instansies: UNISA, Royal Schools of Music – London en Trinity College London. Vir UNISA eksamens word van ons leerders gereeld op die Ererol geplaas, wat uitslae bokant 90% behaal. Hulle name verskyn dan ook in die UNISA tydskrif – die Musicus. Ons skryf ook gereeld in vir die Pretoria Eisteddfod en die Afrikaanse Kunsvereniging asook verskeie kleiner Kunstefeeste.

Ons leerders presteer uitstekend by hierdie feeste en word gereeld genooi om op Galakonserte op te tree.

Die sentrum het reeds sedert 1989, 16 keer leerders ingeskryf vir die Nasionale Sanlamkompetisie wat jaarliks vir Laerskool leerders in Kaapstad gehou word. Tans staan hierdie kompetisie bekend as die Hubert van der Spuy Nasionale Kompetisie.

Ons leerders neem ook gereeld deel aan Meesterklasse wat deur UP se Verrykingskursus aangebied word. Ons het ook al optredes gehad met die Johannesburgse Simfonie orkes. Verskeie leerders neem musiek as vak tot Gr 12 en slaag met lof.

Ons noem graag die volgende leerders se name wat presteer het:

  • Annette Botha studeer in Stellenbosch waar sy Fagot neem en deel was van die orkes;
  • Ruben Denner neem Trompet les by Affies en speel in hulle orkes;
  • Leerders wat BMus en ook nagraadse kwalifikasies in musiek het:
    • Anine Erasmus
    • Carli de Villiers
    • Charl de Villiers
    • Marianne Simpson
    • Madaleen Henkelman
    • Aimée Porter
    • Noelien Wilsenach

Twee leerders wat uitsonderlik presteer het:

  • Charl de Villiers – woon tans in Zurich Switzerland waar hy by die Konserwatorium Klavierdosent is.
  • Herman Pretorius – ontvang meesterklasse by Jacques le Roux in Oostenryk.

Musiekleerders wat uitstyg

​Daar is min dinge wat vir ‘n onderwyser so baie beteken as wanneer ‘n oud-leerder sy suksesverhaal kom deel. Die musieksentrum by Skuilkrans het vanjaar besoek en terugvoer van twee oud-leerders gehad wat uitsonderlik presteer het.

Charl de Villiers was vanvaf 1986 tot 1990 ‘n leerder in klavier by mev. Marie Gaerdes. Gedurende hierdie tyd neem hy deel aan:

  • Talle Eisteddfod-kompetisies;
  • Die SANLAM Nasionale Musiekkompetisie vir laerskoolleerders;
  • Tree as solis op met verskeie orkeste;
  • Hy speel ook fagot.

Vanaf 1991 was hy ‘n student van Prof. Joseph Stanford by UP.

In 2000 sit hy sy studies voort in Switserland.

Hy word vanaf 2003 tot 2009 aangestel as repititeur aan die Suricher Hochschule der Kunste.

Tans onderrig hy klavier in Zurich waar hy met sy vrou en twee kinders woon.  Hy gee ook gereeld konserte as kamermusikant en operabegeleier.  Hy is voorwaar ‘n persoon waarop ons trots is.  Herman Pretorius is nog so ‘n oud-leerder wat uitblink.  Hy het sy musiekopvoeding op vyfjarige ouderdom met vioollesse by Annemarie Swanepoel begin.

In 2008 slaag hy sy Graad 7 ABRSM viooleksamen met lof.  In 2009 word hy konsertmeester van die Simfonia Juventi Jeugorkes onder die baton van Prof. Fanie Jooste. Vanaf 1998 ontvang hy sangopleiding onder leiding van Irmanda Roos by Skuilkransmusieksentrum.

Vanaf 2009 tot 2017 is hy ‘n privaatstudent by Prof. Werner Nel.  In 2008 en 2009 wen hy die seniorsangafdeling van die Pretoria Eisteddfod.  In 2010 slaag hy sy UNISA Graad 7 sangeksamen met lof.  Hy ontvang die Nellie du Toit-prys, ‘n Hennie Joubert-toekenning en ‘n plek op die UNISA-ererol.  In 2013 slaag hy sy UNISA Graad 8 sangeksamen met lof.

Hy word na die UNISA Music Scholarship Concert genooi en ontvang die Du Toit-Van Tonder Musiekbeurs, die Johanna van der Spuy-toekenning vir die beste lewering van ‘n romantiese werk, en die SAMRO/Deon van der Walt-toekenning.

In 2014 voltooi hy sy UNISA Performance Assessment met ‘n A++-simbool. Hy word uitgenooi om deel te neem aan die UNISA Music Scholarship Competition. Hy ontvang in dieselfde jaar meesterklasse by die Nederlandse bariton Maarten Koningsberger, verbonde aan die Sweelinck Conservatory of Music in Amsterdam en die Centre de Musique Baroque de Versailles.

In 2015 ontvang hy meesterklasse by Jacques le Roux in Oostenryk. Hy verwerf sy LLB aan die Universiteit van Pretoria. Hy ontvang ‘n aanbod om ‘n Advanced Diploma in Opera aan die Universiteit van Kaapstad te gaan studeer onder leiding van George Stev.